أنا فتاة 19 سنة تعرفت على شاب من على النت كانت الأول كل معرفتنا صحوبية لكن بعد كده حبينا بعض ولما قابلته أول مرة إكتشفت كل عيوبه لكن للأسف بعد ما حبيته وكنت إتعلقت بيه كنا بنتخانق وبنزعل كتير من بعض لكن كنا بنرجع تانى وفى مرة من مرات الزعل قررت إنى مش هرجعله تانى وفى الوقت ده إتقدملى إبن عمتى وهو شاب جاهز من كله ده غير إنه قريبى أنا وافقت ردا لكرامتى على الخطوبة لكن بعدها حسيت إنى مش قادرة أنسى الحب الأول على الرغم من كل عيوبه مع إنى عارفة حتى لو رجعنا لبعض عمرنا ما هنكون لبعض أنا دلوقتى بتعذب ولا أنا قادرة أنساه ولا قادرة أحب خطيبى إللى بيتمنى يعمل أى شىء علشان يرضينى أرجوكم ساعدونى وقلولى إية الحل؟