أنا فتاة أبلغ من العمر 22 سنه مخطوبه بعد حب خمس سنوات وخطيبى ملتزم دينيا ومش بشوفه خالص وهو منتظر كتب الكتاب حتى نكون مع بعض فى الحلال وهو بيشتغل فى بلد غير اللى أنا عايشه فيها المهم مشكلتى تختصر بأنى كنت عايشة فى ملل رهيب ومحتاجه أتكلم مع حد وطبعا خطيبى وحبيبى بعيد عني مع العلم إنى أحبه لدرجة الجنون وهو بيحبنى أكتر مما أحبه ولكنى أخطات خطا كبيرا جدا دخلت الشات وأتعرفت على شباب وبعد فترة إبتديت أتكلم مع الشباب فى الخطأ الكبير وأستمريت على هذا الحال 6 شهور مع العلم إنى ملتزمة جدا وأقوم بعمل لتحفيظ القرآن وفى لحظة رجعت لله وندمت على مافعلت وتوبت إلى الله ولكن أخجل أنا أحكى ذلك إلى حبيبى ولكن أحس أنى لا أستطيع العيش معه إلا لما أقوله وخايفه يسيبنى لأن بعده عنى معناه دمارى ولكن مش قادرة أتكلم حتى معاه لأنه صريح معايا جدا وأنا مش بخبى عنه أى حاجه إلا الموضوع ده مش عارفه أعمل إيه أقوله ولا أنسحب من حياته من غير ماأقول وأتحمل غلطتى وأدفع ثمنها عمرى كله أرجوكم محتاجه رأيكم أنا خايفه ربنا ميقبلش توبتى يارب المشكلة تتعرض وأسمع رأيكم وباذن الله هعمل بيه وشكرا لكم .