اولا انا اسف لاني هطول شوية بس بجد التفاصيل هتفرق كتير ،، المهم انا شاب ابلغ من العمر21عاما وبنت خالتي تصغرني بشهر واحد تمت علاقتنا منذ 6سنوات وهي كانت بتحبني حب جنون أو بمعنى اصح مهما وصفت مش هقدر أعبر عن درجة حبها ليا المهم انا ظلمتها كتير وسبتها كتير وخونتها كتير وهي كانت بتسامح وبتنسى وكنا بنرجع لبعض تاني ، المهم انا سافرت للعمل بالخارج وكانت العلاقة ما بينا مشوشة بس كنا بنتكلم على النت تقريبا كل يوم وبعدين زعلنا مع بعض حوالي اسبوع وبعدين لما كلمتهاقلتلي ان هي بتحب واحد تاني وحلفتلي بكده ، انا عارف ان الانسان مش بيحس باللي في ايده الا لما يضيع منه وبعترف ان ضيعتها من ايدي بس انا لغاية دلوقتي مش مصدق وانا بجد بحبها اوي او بمعني اصح مش عايز غيرها....
يا ريت تقولوا لي اعمل ايه مع اني في بلد تانية وبعيد عنها بس مش قادر انساها...